Dhundhala sa hai waqt is kadar..

Dhundhala sa hai waqt is kadar, tasveer dikhati nahi aaine mein khud ki bhi,

Hawaon mein hai ghutan itni,saansen aati nahi,

Maayusi hai chaayi har taraf, na jaane kyun dil se  jaati nahi,

Shor hai har taraf itna, baat sunaayi deti nahin khud ki bhi,,,

Dhundhala sa hai waqt is kadar, tasveer dikhati nahi aaine mein khud ki bhi,

Baat karta hoon aksar apni tanhayee se,

Dar lagta hai mujhko meri parchayee se,

Jhooth itna hai bhikhra har taraf, ke khud pe bhi yakeen nahin,

Chalti hai saansen meri, par zinda hoon yeh yakeen nahin,

Yakeen karta hoon ke khatam hai safar jindagi ka ab,

Yakeen se toota ha naata is kadar, yakeen nahin khud pe bhi,,

Dhundhala sa hai waqt is kadar, tasveer dikhati nahi aaine mein khud ki bhi,

Har woh pal jo bitaye maine sang mere apnon ke,

Kitni pyaari thi woh baaten jo ki thi maine mere sapnon se,

Ab woh har pal lagta hai chota sa or purana sa unko,

Jis pal ke liye  , jin baaton ke liye lad gaye woh sab apnon or sapno se,

Meri duniya choti, har baat choti lagti hai unko is kadar,

Unko baat beete palon ki sach lagti nahi koi bhi khud ki bhi,

Dhundhla sa hai waqt is kadar, tasveer dikhati nahi aaine mein khud ki bhi.....